මෙරට තුල ජාතික තව්හිත් ජමාත් සංවිධානය විසින් ඉදිරියේදී යළිත් ප්‍රහාරදියත් කිරීමේ අවධානමක් සම්බන්ධයෙන් ඉන්දීය බුද්ධි අංශ ශ්‍රී ලංකා බලධාරීන්ට අනතුරු අඟවා ඇති බවට ඉන්දීය මාධ්‍ය අද (23) වාර්තා කර සිටිනවා.

ජාතික තව්හිත් ජාමාත් නම් ඉස්ලාමිය අන්තවාදීසංවිධානයේ ජාල් අල්-කුයිටාල් හෙවත් රිල්වාන් නැමැත්තා ඇතුළු පිරිස මෙම ප්‍රහාරඑල්ල කිරීමේ සුදානමක් පවතින බවයි එම වාර්තා වලින් දැක්වෙන්නේ.

එමෙන්ම පසුගිය ඉරිදා එල්ල කරනු ලැබූප්‍රහාරයෙන් මියගියජාතික තව්හිත් ජමාත් සංවිධානයේ නායක සහරාන් හෂීම් නමැත්තා ගෙන් හිස්වූ එම සංවිධානයේ නායකත්වය ගැනීමට සහ සංවිධානයේ ඉදිරි කටයුතු මෙහෙය වීම සඳහා ඔහුගේ මස්සිනා වන නවුෆර් මවුලවි නැමැත්තා කටාර් සිට ශ්‍රී ලංකාවට පැමිණ ඇති බවද ඉන්දීය බුද්ධි අංශ අනාවරණය කර ගෙන තිබෙනවා.

මේ අතර ඉන්දියාවේ සිට ක්‍රියාත්මක “තමිල්නාඩු තව්හිත් ජමාත් සංවිධානයේ” ප්‍රධානින් සහ එහි ක්‍රියාකාරීන් සම්බන්ධයෙන් එරට බුද්ධි අංශ දැඩි අවධානයෙන් පසුවන බවයි එම වාර්තා වලින් දැක්වෙන්නේ.

මෙරට කතෝලික දේවස්ථාන සහ ඉන්දීය මහ කොමසාරිස් කාර්යාලයට ඉස්ලාමිය අන්තවාදීසංවිධානයක් විසින්ත්‍රස්ත ප්‍රහාරයක්එල්ල කිරීමේ හැකියාවක් සම්බන්ධයෙන් ඉන්දීය බුද්ධි අංශ විසින් අප්‍රේල් මස 04 වෙනිදා මෙරට ආරක්ෂක අංශ වෙත සිදුකරන ලද දැනුම් දීම ගැන නිසි අවධානයක් යොමු නොකල බවට ඉන්දීය බුද්ධි අංශ උපුටා දක්වමින් ඉන්දීය මාධ්‍ය සඳහන් කර සිටියි.

ජාතික තව්හිත් සංවිධානය සහ IS සංවිධානය අතර සෘජු සම්බන්ධකම් පවතින බවට වන තොරතුරුද මේ වන විට අනාවරණය වෙමින් පවතින බවත් මිට අමතරව ඉන්දීය බුද්ධි අංශ සහ එරට ආරක්ෂක අංශ ශ්‍රී ලංකාවේ ආරක්ෂක අංශ වෙත අවශ්‍ය සියලුම බුද්ධි සහයන් ලබාදීමට කටයුතු කරමින් සිටින බව එරට මාධ්‍ය වාර්තා කරන්නේ.

ශ්‍රී ලංකාවේ පසුගිය පාස්කු ඉරිදා දින එල්ලවූ බෝම්බ ප්‍රහාරයන්සම්බන්ධයෙන් වන වගකීම IS සංවිධානය විසින් භාරගෙන තිබෙනවා.