මත්ද්‍රව්‍ය පාලනය සඳහා ත්‍රිවිධ හමුදාවල සක්‍රීය දායකත්වය ලබාගැනීම සඳහා යම් නිශ්චිත කාලයකට ත්‍රිවිධ හමුදාව වෙත නීතිපතිවරයා විසින් නිර්දේශ කරනු ලබන ඇතැම් බලතල පැවරෙන පරිදි මත්ද්‍රව්‍ය පාලනය පිළිබඳ විශේෂ විධිවිධාන පනත් කෙටුම්පත පිළිබඳ යෝජනාව අමත්‍ය මණ්ඩලය විසින් අනුමත කර තිබේ.

ආරක්ෂක අමාත්‍යවරයා ලෙස ජනාධිපති මෛත්‍රීපාල සිරිසේන මැතිතුමා සහ රාජ්‍ය පරිපාලන හා කළමනාකරණ සහ නීතිය හා සාමය පිළිබඳ අමාත්‍ය රංජිත් මද්දුම බණ්ඩාර මහතා විසින් ඒකාබද්ධ යෝජනාවක් අමාත්‍ය මණ්ඩලයට මෙම යෝජනාව ඉදිරිපත් කර තිබුණි.

මත්ද්‍රව්‍ය ජාවාරම වඩාත් සර්ථකව මැඩපැවැත්වීම සඳහා ත්‍රිවිධ හමුදාවේ සහ පොලිස් විශේෂ කාර්ය බලකායේ සක්‍රීය දායකත්වය වැඩිවශයෙන් ලබාගැනීම මෙම යෝජනාවෙන් බලාපොරොත්තු වෙයි.

මේ අතර මත් කුඩු ජාවාරමට සම්බන්ධය පුද්ගලයින් හට මරණීය දඬුවම ලබා දීමේ ක්‍රම වේදයක් සකසන බව ඊයේ(10) පැවති කැබිනට් මණ්ඩල රැස්වීමේදී යොජනාවු බව අමාත්‍ය රාජිත සේනාරත්න මහතා සඳහන් කළේය.

එම යොජනාව ජනාධිපති මෛත්‍රීපාල සිරිසේන මහතා විසින් ඉදිරිපත් කළ බවත් කැබිනට් මණ්ඩලයේ සියලු දෙනා එම යෝජනාව ඒකමතිකව අනුමත කළ බවත් අමාත්‍යවරයා වැඩිදුරටත් පැවසීය.

  • පුවත් මුලාශ්‍රය – අද දෙරණ වෙබ් අඩවිය

LEAVE A REPLY