පසුගිය සති කිහිපය තුළම විමල් විරවංශ, ගම්මන්පිල ඇතුළු ඒකාබද්ධ විපක්ෂයේ පාර්ලිමේන්තු මන්ත්‍රීවරුන් කිහිප දෙනෙක්ම ඉදිරි ජනාධිපතිවරණයට නියත වශයෙන්ම ගෝඨාභය රාජපක්ෂ මහතාව ඉදිරිපත් කිරීම සඳහා මහින්ද රාජපක්ෂ හිටපු ජනාධිපතිවරයාව පෙරැත්ත කරමින් කැමති කරවා ගනිමින් සිටින බවට ඔවුන් තැන් තැන් වල කියමින් සිටින ප්‍රකට කරුණක්.

එම දේවල් වලට දැසි පිළිතුරක් සපයමින් ජාතික පුවත්පතක් සඳහා තීරු ලිපියක් පල කරන බැසිල් රාජපක්‍ෂ මහතාගේ දේශපාලන උපදේශක චරිත හේරත් මහතා විසින් ඒකාබද්ධ විපක්ෂය ගෙන ආ දෝෂාභියෝගය පිළිබඳව දැඩි පහරක් එල්ල කරන ලදී.

ඉන් පසු එයට උත්තර සැපයූ විමල් වීරවංශට හිටපු ඇමති එස් එම් චන්ද්‍රසේන විසින් ප්‍රබල පිළිතුරක් සැපයූයේ එකාබද්ධයේ විහිලුවක් ලෙස ඒකාබද්ධ විපක්ෂය ගෙන ආ දෝෂාභියෝගය සඳහන් කරමිනි.

එමෙන්ම මේ දිනවල පොදුජන පෙරමුණේ නෙළුම් මාවත කාර්‍යාලය තුල වඩාත් ආන්දෝලනයට තුඩු දී ඇති මාතෘකා අතර ඉදිරියෙන්ම තිබෙන්නේ 2020 ජනාධිපති අපේක්ෂකයා සම්භන්ධයෙන් වූ උභතෝකෝටිකය යි.

නිතරඟයෙන්ම මේ සඳහා යෝජනා වී ඇති හිටපු ආරක්ෂක ලේකම් ගෝඨාභය රාජපක්ෂ මහතාගේ නම් වෙනුවට, පක්ෂයේ ජාතික සංවිධායකවරයා වූ බැසිල් රාජපක්ෂගේ නම යෝජනා කිරීමට පස් දෙනෙකුගේ කල්ලියකින් සමන්විත විද්වත් මණ්ඩළයක් වෑයම් කරනා බව මේ සම්භන්ධයෙන් තතු දත්තෝ පවසති.

මෙසේ දිනෙන් දින දලුලා වැඩෙන 2020 ජනාධිපතිවරණ සටනේ “බැසිල්-ගෝඨාභය අළු යට ගිණි” ඉදිරියේදී ප්‍රසිද්ධ වේදිකාවල පවා දැකගත හැකිවනු ඇතැයි බොහෝ දේශපාලන විචාරකයෝ අදහස් මීට පෙර ප්‍රකාශ කල අතර දැන් දැන් මේ දක්නට ඇත්තේ එයයි.

පොහොට්ටුව බැසිල් රාජපක්ෂගේ වීමත් , එක්සත් ජනතා නිදහස් සන්ධානයේ මන්ත්‍රිවරුන් ලෙස සිටින ඒකාබද්ධ විපක්ෂයේ මන්ත්‍රීවරුන් ගෝඨාභයට සහය පල කිරීමත් නිසා මේ වන විට මහින්ද රාජපක්ෂ මහතා දැන් පත්ව සිටින්නේ උහතෝකෝටික ප්‍රශ්නයකට බවයි අභ්‍යන්තර ආරංචි මාර්ග සඳහන් කරන්නේ.

මීට ළඟම උදාහරණය වන්නේ බැසිල් රාජපක්ෂ මහතාගේ අප්‍රේල් 23 වෙනිදා පැවති ඔහුගේ උපන්දිනයටවත් ගෝඨාභය රාජපක්ෂ මහතා හෝ ඒකාබද්ධ විපක්ෂයේ කිසිවකු සහභභාගී වී නැත.

එහි ඡායාරූප පහතින්,

LEAVE A REPLY