පොදුරාජ්‍ය මණ්‌ඩලීය ක්‍රීඩා උළෙලකදී බොක්‌සිං ඉසව්වක අවසන් පූර්ව වටයට පිවිස පදක්‌කමක්‌ දක්‌වා පැමිණි පළමු ශ්‍රී ලංකා ක්‍රීඩිකාව බවට පත්වීමට අනුෂා කොඩිතුවක්‌කු ඊයේ (8දා) සමත් වූවාය.

බොක්‌සිං ක්‍රීඩාවේ රන්, රිදී සහ ලෝකඩ පදක්‌කම් දෙකක්‌ පිරිනැමෙන බැවින් මේ වනවිටත් අනූෂා ඉදිරියේ ඒ අතරින් පදක්‌කමක්‌ සටහන් වී තිබේ. එය රන්, රිදී හෝ ලෝකඩද යන වග නිශ්චිතවම තීරණය වන පළමු අවසන් පූර්ව තරගය අනිද්දා (11 දා) ශ්‍රී ලංකා වේලාවෙන් පෙ.ව. 7.32 ට පැවැත්වෙන අතර එහිදී අනුෂාගේ ප්‍රතිවාදියා බවට 15 වතාවක්‌ මෙම බර පංතියේ ලෝක ශූරිය වූ ඉන්දියාවේ මේරි කොම් පත්ව ඇත.

අර්ධ අවසන් පූර්ව වටයේ තරගයේදී කේමන් දූපත්හි 21 හැවිරිදි බ්‍රැන්ඩ් බැක්‌ස්‌ව පළමු වටයේදීම පරාජය කරමින් මෙම ඓතිහාසික අවස්‌ථාව අනුෂා විසින් ළඟාකර ගන්නා ලදී.

තරගය ආරම්භක අවස්‌ථාවේ පටන් ප්‍රතිවාදී ක්‍රීඩිකාවට කිසිදු අවස්‌ථාවක්‌ නොදී වෙහෙසට පත්කරමින් නොකඩවා පහර එල්ල කිරීම හේතුවෙන් පළමු වටය අවසන් වනවාත් සමගම විනිසුරු තීරණයෙන් අනූෂාට ජය හිමි විය.

මෙහිදි විශේෂත්වය වන්නේ අනුශාගේ ප්‍රතිවාදිනිය වන මේරී කොම්ගේ විනය විරෝධි ක්‍රීඩා රටාව නිසා 2016 දකුණු ආසියානු තරඟාවලියේ අවසන් මහා තරගයේ අබාධයට ලක්වීමයි.  මාස ගණනක් රෝද පුටුවක සිට ප්‍රථිකාර ලබා ගත් අනූෂා නැවතත් ක්‍රීඩා පිටියට පැමිණ තිබෙන්නේ මවුබිම වෙනුවෙන් අපමණ කැපකිරීම් මැදය .

මෙහිදි ඇයගේ පුහුණුකරු මෙන්ම ශ්‍රී ලාංකේය බෝක්ෂිං ක්‍රීඩාවට අපමණ සේවයක් කරනා ඩයන් ගෝමස්ගේ සේවයද ඇගයිය යුතුමය. ක්‍රීඩක ක්‍රීඩිකාවන් සිය පෞද්ගලික මුදල් වැය කර තබා රැක බලා ගන්නා ඩයන් ගෝමස්ගේ කැපකිරීම පදක්කමක් දක්වා පැමිණ ඇතැයි ක්‍රීඩා විචාරකයන් සදහන් කර තිබුනි.

මවුබිම වෙනුවෙන් අවසන් පූර්ව තරගයට ක්‍රීඩා කරන අනූෂාගේ ප්‍රතිවාදීව මේරී කොම්ට ඉන්දියාවේ චිත්‍රපට පවා සාදා තිබේ. ඉන්දීය රජයේ වියදමින් ඇයට පෞද්ගලික ආරක්ෂකයන් පවා සිටිති. ඉන්දියාවට මේරි කොම් කොපමණ වටිනවා දැයි ඉන් පැහැදිලි වේ.

ඕස්ට්‍රේලියාවේ වෙසෙන මෙන්ම සමස්තශ්‍රී ලාංකිකයන්ටම දැන් අනූෂා වෙනුවෙන් වගකීමක් පැවරී තිබේ. අනූෂා අර්ධ අවසන් පූර්ව තරගයට ක්‍රීඩා කරන්නේ එලබෙන 11 වෙනිදා ඕස්ට්‍රේලියාවේ ගෝල්ඩ්කෝස්ට් නුවර Oxenford Studios වෙතට පැමිණ ඇයට සහය දැක්වීම ඕස්ට්‍රේලියාවේ වෙසෙන ශ්‍රි ලාංකිකයන්ට භාරය.

අවසන් මහා තරගයට ක්‍රීඩා කරන අනූෂාට සමස්ථ ශ්‍රී ලාංකිකයන් වෙනුවෙන්ම නෙත් ගොසිප් අපගේ උණුසුම් සුභ පැතුම් .!

ඓතිහාසික ජයෙන් පසු අනූෂා මාධ්‍යයට කියූ කතාව ,

LEAVE A REPLY