ශ්‍රී ලංකා ක්‍රිකට් කණ්ඩායමේ සීමිත පන්දුවාර නායක ඇන්ජලෝ මැතිව්ස් නැවතත් ක්‍රිකට් පිටියේ පන්දු නොයවන බවත්, ඔහු විශේෂඥ පිතිකරුවෙකු ලෙස පමණක් ක්‍රීඩා කරන බවත් ශ්‍රී ලංකා ක්‍රිකට් තේරීම් කමිටු ප්‍රධානී ග්‍රැහැම් ලැබ්‍රෝයි මහතා පවසයි.

සන්ඩේ ටයිම්ස් පුවත් සේවයට ඔහු ප්‍රකාශ කර ඇත්තේ ක්‍රීඩකයන්ගේ කාර්යය කළමනාකරණය වෙනුවෙන් මෙම ක්‍රියාමාර්ගය ගෙන ඇති අතරම, මැතිව්ස්ට අමතරව කුසල් පෙරේරාගේ කාර්යය කළමනාකරණය කිරීමටද තේරීම් කමිටුව සූදානම් වෙයි.

2013 හා 2016 අතර කාලසීමාවේදී ජාත්‍යන්තර තරග වැඩිම සංඛ්‍යාවක් ක්‍රීඩා කර ඇති ක්‍රීඩකයා වන්නේ ඇන්ජලෝ මැතිස්ව්ය. ඉන් අනතුරුව ඔහු ආබාධයට ගොදුරු වීම ඇරඹිනි.

ඉදිරියේදී ශ්‍රී ලංකා කණ්ඩායම අන්තර්ජාතික පිටියේ තරගාවලි කිහිපයකටම ක්‍රීඩා කිරීමට නියමිතව තිබෙන අතර ඒවායේදී මැතිව්ස් සහ කුසල්ගේ පිතිකරණ ශක්තිය උපරිම  තලයකට ගෙන ඒමට සහ එමගින් කණ්ඩායමේ ජයග්‍රහණ සඳහා අවශ්‍ය අඩිතාලම ලබා ගැනීම මෙම තීරණවල අභිප්‍රාය බව වාර්තා වනවා.

 

 

LEAVE A REPLY