කොල්ලුපිටියේ පිහිටි Coss Lanka නමින් පවත්වාගෙන යන ආයතනයක් විසින් ජනතාව රවටමින් සිදු කරන මහා පරිමානයේ වංචාවක් පිළිබඳව හෙළිදරව් වෙමින් පවතිනවා. මිට පෙරද ප්‍රධාන ධාරාවේ මාධ්‍ය පවා මේ මුදල් වංචාව පිළිබඳව වාර්තා කල අතර එහිදී නිතිය ක්‍රියාත්මක වූ නමුත් වංචාවේ නැවතීමක් දක්නට නම් නැත. නැවත වරක් මහා පරිමාණයෙන් ප්‍රචාරණ ව්‍යාපාරයක් සිදු කරමින් වෙබ් මාධ්‍ය මෙන්ම රුපවාහිනි නාලිකා හරහාද මහා ධනස්කන්ධයක් වියදම් කරමින් ඔවුන් රටේ අහිංසක තරුණ තරුණියන් මෙන්ම දෙමාපියන්ද රැවටීමට පටන්ගෙන ඇත.

කොල්ලුපිටිය ආර් ඒ ද මැල් මාවතේ  පවත්වාගෙන යන coss lanka (pvt) ltd යනුවෙන් පවත්වාගෙන යන මෙම ආයතනය සිදුකරන ක්‍රියාවලිය වන්නේ විදේශ අධ්‍යාපනය සහ රැකියා සඳහා තරුණ තරුණියන් පිට රට යැවීමය. මේ සඳහා ලක්ෂ ගණනින් මුදල් අය කරගන්නා අතර මුදල් අයකරගෙන රට යැවීම හෝ අධ්‍යාපන පහසුකම් ලබා දීම ගැටළුවක් නැත. නමුත් ගැටලුව තිබෙන්නේ මෙම ආයතනය සිදු කරන වංචාවයි.

රට රැකියා සහ අධ්‍යාපනය ලබා දෙන බව පවසමින් ඈත ගම වල දුප්පත් අහිංසක දෙමාපියන්ගේ මුදල් හුරා ගෙන කන්නට තරම් මෙම ව්‍යාපාරිකයින් පහත තත්වයකට වැටීම ඛේදජනකය. තම ජීවිතය ගොඩ දා ගන්නට ඉඩම් කඩම් විකුණා කන කර උගස් තබා පැමිනෙන තරුණ ජිවිත තම මුදල් හම්බකිරීමේ ව්‍යාපාරයක් බවට පත්කරගෙන රුපියල් ලක්ෂ 2000ක් පමණ වංචාවක් කල බව හෙළි වී ඇත වරක් මෙහි බලධාරීන් අත් අඩංගුවට ගත් නමුත් අන් සියල්ල මෙන්ම නීතියද මුදලට යටවීම හරහා එහි වන්දිය ගෙවන්නට වී ඇත්තේ අහිංසක තරුණ පරපුරටයි.

උදේ හවස රුපවාහිනියේ මෙන්ම ගුවන් විදුලියේද මිලියන ගණනින් මුදල් වියදම් කරමින් ප්‍රචාරණ ව්‍යාපාර දියත් කරන මොවුන්ගේ පැටිකිරිය කිසිදු හිරිකිතයකින් තොරව හරි වැරදි නොබලා ජනගත කරන්නට ප්‍රධාන පෙලේ මාධ්‍ය ආයතන පෙළඹී තිබෙන්නේ මුදල් වලට මුල් තැන දී ඇති නිසාය නමුත් ජාතික මට්ටමේ මාධ්‍ය ආයතනයකට මුදලට වඩා ජනතාව වටින්නේ නැද්ද යන්න අපට ඇති ගැටලුවයි. සියත රේඩියෝවේ විකාශය වන DJ අරා වැඩසටහනේ රස කරමින් මේ වංචා ආයතනය පිළිබඳව පම්පෝරි ගසන අරවින්ද ලොකුගේ වැන්නවුන් මුදලට ඕනෑම දෙයක් පාවා දෙන බව මෙරට සියලු දෙනා හොඳින් දන්නා කාරනාවකි.

coss lanka ආයතයන පිළිබඳව අප මේ හෙළිකරන කරුණු කාරනා පමණක් නොව නිකමට අන්තර්ජාලය ගොස් සමාජ ජාල හා youtube.com හරහා මේ දුෂිත වංචාකරුවන් පිළිබඳව සෙවීමක් කල හොත් ඔබටම සත්‍ය අවබෝධ කරගැනීමට හැකි වනු ඇත.

එමෙන්ම මෙම වංචනික ආයතනය කියන පරිදි කිසිදු සුදුසුකමක් නොමැතිව විදේශගත වීමට හැකියාවක් තිබේද? ජපානය, චීනය වැනි රටවලට අධ්‍යාපනය සඳහා ඇතුලත් වන්නේ නම් ඊට අදාළ සුදුසුකම් තිබිය යුතුමය. නමුත් මොවුන් මේ සිදුකරන වංචාව තේරෙන විට පෙරහැර ගොසින් ඉවරය. coss lanka කියනා හැටියට රට යන්නට හැකිනම් ඕනෑම කෙනෙකුට රට යන්නට හැකියාව තිබිය යුතුය…

සමාජ ජාල තුල මේ පිළිබඳව පලව ඇති පළකිරීම් කිහිපයක් පහතින්…

මෙම හොර මගඩිය සිදුකරන ආයතනයේ ප්‍රධානියා වන්නේ මොහුයි.

නිපුනතා සංවර්ධණය හා වෘත්තීය පුහුණුව ලබා දෙනවා කියමින් විදේශ ගත අධ්‍යාපනය හා රැකියා සිහිනය පෙන්වමින් coss lanka ආයතනය මගින් සිදු කල වංචාවට ලක් වූ අහිංසක තරුණ තරුණියන් රැවටු ආකාරය පහත වීඩියෝ සහ ප්‍රවෘත්ති ප්‍රචාර මගින් නැරඹිය හැකියි.

සමාජ මාධ්‍ය හෙවත් පුරවැසි මාධ්‍ය ලෙස අප මුදලට යට නොවී මේ අනාවරණය කරන්නේ හුදෙක් අපගේ පෞද්ගලික උවමනාවකට හෝ වෙනත් යටි අරමුණකින් නොව අහිංසක ජනතාවට කොකා පෙන්වමින් නිතිය නොමග යවමින් මිලියන ගණනින් වංචා කරන පුද්ගලයින් හෙළි කිරීම අපේ සමාජ වගකීම බැවිනි. ඉදිරියේදීද මේ හොර වංචා සිදුවේනම් ඒවා වාර්තා කිරීමටද අප සුදානමින් සිටින බව මතක් කල යුතුය.

අවසන් වරට කිව යුතුව ඇත්තේ  කුමන මාධ්‍යක කුමන ආකාරයේ සිහින පෙන්වන බවට කිවත් ජනතාව තම අනාගතය ගැන ගන්නා තීන්දු තීරණ සොයා බලා සිතා මතා කල යුතු බවත් මෙවැනි වංචා දුෂණ පිළිබඳව බලධාරීන් හා නිතිය ක්‍රියාත්මක කරන ආයතන වහාම නින්දෙන් අවදිව ජනතාව වෙනුවෙන් සිය යුතුකම ඉටු කල යුතු බවයි….

 

 

 

 

LEAVE A REPLY