අලුත් ආණ්ඩුක්‍රම ව්‍යවස්ථාවක් නිර්මාණය කරගැනීමේ කාර්යයේ දී වචනවල එල්ලෙමින් කටයුතු කිරීමෙන් මිදී අර්ථවත් මට්ටමින් බලය බෙදීම බෙදාහැරීමේ වැඩපිළිවෙලක් පිළිබඳව සාකච්ඡා කිරීමට සූදානම් බව දෙමළ ජාතික සන්ධානය පවසයි.

ශ්‍රී ලංකාව සඳහා අලුත් ආණ්ඩුක්‍රම ව්‍යවස්ථාවක් සම්මත කරගනු ලැබීමේ දී එය ජනමත විචාරණයක දී මහජන අනුමැතිය ඇතිව සිදුවිය යුතු බවත් දෙමළ ජාතික සන්ධානය පෙන්වා දෙයි.

දෙමළ ජාතික සන්ධානයේ පාර්ලිමේන්තු මන්ත්‍රී එම්.ඒ.සුමන්තිරන් බීබීසී සිංහල සේවයට අදහස් දක්වමින්, ආණ්ඩුක්‍රම ව්‍යවස්ථාවේ ප්‍රමුඛ අංග පිළිබඳව තීන්දු ගැනීම මහජන අනුමැතිය පරිදි සිදුවියයුතු බව අවධාරණය කළේය.

ආණ්ඩු බලය, පාර්ලිමේන්තු බලය, විධායක බලය සහ මැතිවරණ ක්‍රමය ආදිය ආණ්ඩුක්‍රම ව්‍යවස්ථාවකට ඇතුළත් වැදගත් කරුණු බව පෙන්වා දුන් මන්ත්‍රීවරයා, එවැනි කරුණුවල වෙනසක් සිදුකරන්නේ නම් එය මහජන අනුමැතියෙන් තොරව සිදුකළ නොහැකිය යන්න දෙමළ ජාතික සන්ධානයේ ස්ථාවරය වන බව කියාසිටියේය.

  • BBC

LEAVE A REPLY