දෙහිවල, ගල්කිස්ස මහ නගර සභා බලප්‍රදේශයේ විවිධ ව්‍යාපෘති සිදුකිරීම වෙනුවෙන් අවශ්‍ය අනුමැතිය ලබාගැනීම සඳහා එම මහ නගර සභාවේ සභාපතිව සිටි ධනසිරි අමරතුංග මහතා විසින් විවිධ අවස්ථාවල අල්ලස් ලබාගෙන ඇති බවට දූෂණ මර්දන කමිටු ලේකම් කාර්යාලය වෙත ලැබී ඇති පැමිණිල්ලක අල්ලස් හෝ දූෂණ චෝදනා විමර්ශන කොමිෂන් සභාව වෙත යොමු කර ඇති බව වාර්තා වේ.

ගල්කිස්ස හෙජාස් ජාත්‍යන්තර පාසලේ ගුරුවරු පිරිසක් විසින් දූෂණ මර්දන කමිටු ලේකම් කාර්යාලයේ අංක ACC/BC/2015/161 යටතේ ගොනුකර ඇති මෙම පැමිණිල්ලට අනුව නගරාධිපතිවරයා විසින් එම පාසලේ පාලන අධිකාරයෙන් වරින් වර අල්ලස් ලබාගෙන ඇති බව එම පැමිණිල්ලේ සඳහන් වේ.

දෙහිවල සරණංකර පාරේ ඉදිකරන ලද හෙජාස් ජාත්‍යන්තර පාසලේ නව සිව් මහල් ගොඩනැගිල්ලක සැලසුම අනුමත කරදීමේදී මෙන්ම පසුගිය ජනාධිපතිවරණයේදී ජනපති මහින්ද රාජපක්ෂගේ රුව ප්‍රදර්ශනය කිරීම සඳහා දැන්වීම් පුවරු සැකසීම වෙනුවෙන් පිලිවෙලින් රුපියල් ලක්ෂ පහක (රු. 500,000) සහ රුපියල් ලක්ෂ දහයක (රු. 1,000,000) මුදලක් එම පාසලේ විදුහල්පතිගෙන් අල්ලස් වශයෙන් ලබාගෙන ඇති බව එම පැමිණිල්ලේ සඳහන් වේ.

මෙම ගනුදෙනු, පාසලේ අධ්‍යක්ෂවරු දෙදෙනාගේ හා විදුහල්පතිනියගේ බැංකු ගිනුම් පරීක්ෂා කිරීමෙන් අණාවරණය කර ගත හැකි බවද දූෂණ මර්දන කමිටු ලේකම් කාර්යාලය විසින් අල්ලස් හෝ දූෂණ විමර්ෂණ කොමිස වෙත ලබාදී ඇති ලිපිගොනුවේ තවදුරටත් වාර්ථා වේ.

නගරාධිපතිවරයා විසින් බල ප්‍රදේශයේ පුද්ගලයන්ගේ කටයුතු කර දිම වෙනුවෙන් අල්ලස් ලබා ගනිමින් සහ දේශපාලන කටයුතු කිරීම සඳහා තනතුර භාවිතා කර මුදල් ලබා ගනිමින් සභාපති තනතුරේ ගෞරවයට හානි වන අයුරින් කටයුතු කර ඇති බවට දූෂණ මර්දන කමිටු ලේකම් කාර්යාලය විසින් සිදුකළ මූලික විමර්ශනවලදී අනාවරණය වී ඇති අතර අල්ලස් හෝ දූෂණ විමර්ෂණ කොමිසම වෙත යොමුකර ඇති ලිපි ගොනුවේ නිරීක්ෂණවල ඒ බව සඳහන් වේ.

මේ අතර 2004 වර්ෂයේ දෙහිවල මස්කඩ ටෙන්ඩරයක් සම්බන්ධයෙන් නගරසභා භූමිය තුලදීම පුද්ගලයන් දෙදෙනෙකු ඝාතනය කිරීමේ සිද්ධියට දෙහිවල ගල්කිස්ස හිටපු නගරාධිපතිවරයා සෘජුවම සම්බන්ධ යැයි හෙළිදරව් වුයේ බොහෝ කලකට පෙරයි.

එමෙන්ම 2004, 2005 සහ 2006 වසර වලදී දෙහිවල ගල්කිස්ස ආශ්‍රිත ප්‍රදේශවල සිදුවූ දේශපාලන ඝාතන කිහිපයකටම ධනසිරි අමරතුංග සම්බන්ධ බව වැඩිදුරටත් අනාවරණය වී ඇත. එකල දී මේ පිළිබඳව රහස් පොලිසිය පරීක්ෂණ ආරම්භ කර ඇත නමුත් එම පරීක්ෂණ සියල්ල තම මුදල් බලය මත යට ගසා ගැනීමට ධනසිරි සමත්ව ඇත්තේ තමන් සතු දේශපාලන හිතවත්කම්ද ප්‍රයෝජනයට ගෙන බව සියලුදෙනා දන්නා රහසක්…

ධනසිරි අමරතුංගට එරෙහිව සිදුකෙරෙන පරීක්ෂණවලදී, රහස් පොලිසියට අනාවරණය වී ඇත්තේ, මිනී මැරුම්වලට අමතරව ඔහු විසින් අයථා ආකාරයට විශාල ධනයක් උපයා ඇති අතර එම ධනය යොදවා, දෙහිවල කඩවත පාරේ සුඛෝපභෝගී මැදුරක්ද, හැටන් මස්කෙලියේ විශාල වතුයායක හෝටලයක්ද,  ඉදිකර ඇති ආකාරයයි.

මෙකී මිනීමැරුම් සහ අයථා ඉපයීම් පිළිබඳව වැඩි විස්තර ලගදීම බලාපොරොත්තු වන්න…….!

LEAVE A REPLY