වත්මන් රජය යටතේ නිකුත් කළ භාණ්ඩාගාර බැඳුම්කර පිළිබඳ සොයාබැලීම සඳහා පත්කළ ජනාධිපති පරීක්ෂණ කොමිෂන් සභාව හමුවේ සාක්ෂිදීම සඳහා ශ්‍රී ලංකා මහ බැංකුවේ අධිපති අචාර්ය ඉන්ද්‍රජිත් කුමාරස්වාමි මහතා කැඳවා ඇත.

ඒ සඳහා ලබන 21 වැනි දා අඟහරුවාදා උදේ 10ට කොළඹ 12 අධිකරණ මාවකේ පිහිටි තම කාර්යාලය හමුවේ පෙනී සිටින ලෙස දන්වා ආචාර්ය කුමාරස්වාමී මහතාට කොමිසම ඊයේ (16) නියෝග කළේය.

ශ්‍රේෂ්ඨාධිකරණයේ විනිසුරු කේ.ටී චිත්‍රසිරි මහතාගේ ප්‍රධානත්වයෙන් යුත් මෙම කොමිසම හමුවේ සිද්ධියට අදාළව සාක්ෂිය සටහන් කර ගැනීමට ආචාර්ය කුමාරස්වාමි මහතා ප්‍රථමයෙන් කැඳවීමට තීරණය කර තිබේ.

කොමිසමේ වැඩ ආරම්භ කරමින් පැවැත්වෙන සාක්ෂි විභාගයේ සාක්ෂි දීම සඳහා පෙනී සිටින ලෙස දන්වා කොමිසමේ ලේකම් සුමතිපාල උඩුගමසූරිය මහතා ආචාර්ය කුමාරස්වාමි මහතා වෙත නොතිසියක් නිකුත් කළේය.

  • උපුටා ගැනීම ලංකාදීප වෙබ් 

LEAVE A REPLY