ශ්‍රී ලංකාවේ ධීවර ක්ෂේත්‍රෙය් ව්‍යාපෘති සඳහා ආයෝජනය කිරීමට නවසීලන්තයේ ආයෝජකයින් උනන්දු කරවීමට තමන් කටයුතු කරන බව ශ්‍රී ලංකාවේ නවසීලන්ත මහකොමසාරිස් Joanna Kempker මහත්මිය ප්‍රකාශ කළාය.

ධීවර හා ජලජ සම්පත් සංවර්ධන අමාත්‍ය හා මහවැලි සංවර්ධන රාජ්‍ය අමාත්‍ය මහින්ද අමරවීර මහතා හමු වී සාකච්ඡා කිරීමෙන් අනතුරුව මහකොමසාරිස්වරිය මෙම අදහස් පළ කළාය. අමාත්යන මහින්ද අමරවීර මහතා සහ මහකොමසාරිස්වරිය අතර සාකච්ඡාවක් පසුගියදා අමාත්යය නිල නිවසේදී පැවැත්විනි.

මෙම සාකච්ඡාවේ දී ශ්‍රී ලංකාව හා නවසීලන්තයට අදාල වන ද්විපාර්ශ්වික කාරණා රැසක් පිළිබඳව සාකච්ඡා කරනු ලැබීය. ලෝකයේ මුහුදු ධීවර කර්මාන්තයේදී එහි තිරසාර සංවර්ධනය උදෙසා කළමණාකරණ පද්ධතියක් ඇති කිරීමට නවසීලන්තය පුරෝගාමි විය. එහි අත්දැකීම් ශ්‍රී ලංකාවට ලබා දීමට ද පියවර ගන්නා බව මහකොමසාරිස්වරිය මෙහිදී ප්‍රතිඥා දුන්නාය. ඒ අනුව ධීවර කළමණාකරණ කටයුතු පිළිබඳ පුහුණුවක් මෙරට ධීවර නිලධාරින්ට හා පාර්ශ්වකරුවන්ට ලබා දීමට පියවර ගැනේ.

එමෙන්ම දැනටමත් උතුරු පළාතේ මන්නාරම ප්‍රදේශය පාදක කර ගනිමින් මත්ස්‍ය නිෂ්පාදන සකස් කිරීමේ ව්‍යාපෘතිය නවසීලන්තයේ සහයෝගිතාවය මත පවත්වාගෙන යනු ලබයි. එම ආයෝජකයින් ද තවදුරටත් මෙරට ධීවර ක්ෂේත්රවය තුළ ආයෝජනය කිරීමට ද කැමැත්ත දක්වා තිබේ.

මෙහිදී අදහස් පළ කළ අමාත්‍යවරයා කියා සිටියේ මේ වනවිට ශ්‍රී ලංකාවේ ධීවර ක්ෂේත්‍රයේ නව ප්‍රවණතා රැසක් ඇති බවයි. ඒ අනුව අප රට තුළ ධීවර ක්ෂේත්‍රයේ ආයෝජනය සඳහා ශක්තිමත් පසුබිමක් යෝජිත ජාතික නව ධීවර ප්‍රතිපත්තිය නිසා ඇති වෙතැයි ද අමාත්‍යවරයා කීය.

LEAVE A REPLY